ممنوع الزعل نكت على المشرفين والمتحكمين السلام عليكم ورحمة الله وبركاته
كيفكم ياجماعة - عاملين ايه
مصري على أردني ما علينا
هاد تاني موضوع لاإلي وحبيت
أخليه نكت على المشرفين والمتحكمين
مشـــان من أولها نكون فررررررررررررررررري
( يارب تكونو عاملين اندومى او مقلوبه اصلي نفسي اذوقهم )
ممنوع الزعل وطبعا الأعضاء هم المستفيدين
- خطيبة مشرف كل ماتتصل بيه تطلعلها رسالة مسجلة - السرفر مشغول حالياً ، حاول فى وقت آخر .
- مشرف شغال فى المرور كل مايشوف عربية مخالفة يديها تعديل.
- مشرف كتب كتابه فى موضوع وعمل الحفلة فى قاعة التهانى والمناسبات ووزع على المعازيم موضوع متميز
- متحكم زعلان من مراته عملها حظر
- مشرف عام غطسوه تانى
- متحكمه خلفت توأم إحتفظت بواحد والتانى حطته فى المواضيع المكررة
- مشرف جاتله فاتورة التليفون كبيرة عملها تعديل
- زوجة مشرف نسيت تحط الملح فى الأكل حطلها رسالة حذف
- مشرف بيتغزل فى خطيبته وبيقولها إنتى موضوع عمرى ... أنتى مشاركة حياتى .. إنتى كل صلاحياتى ...
- متحكم عاوز يخطب عضوة قالها ممكن أسجل عندكم فى البيت بس ياريت والدك ميتأخرش عليا فى رسالة التفعيل
- مشرفه عندها حالة نفسية كل ما تكتب موضوع تحذفه
- متحكم عاوز يعرف حبيبته بتحبه أو مبتحبوش دخل على المنتدى وبدأ يحذف المواضيع واحد ورا التانى ( بتحبنى - مبتحبنيش - بتحبنى - مبتحبنيش )
- مشرف عام موظف فى مصلحة حكومية شرط على كل عضو يكتب مشاركة يحط عليها ورقة دمغة
- مشرف دخل منتدى المشرفين طلع منها بخمس غرز وإرتجاج فى المخ
- مشرف دخل منتدى الصور طلع منه بعفريتة
- مشرف إختلف مع المشرف عام نقلة مشرف على منتدى المواضيع المكررة
- متحكم عاوز يطرد عضو مميز من المنتدى حطله فى أحد مواضيعه حتت حشيش وبلغ عنه
-متحكمه زهقت من زوجهاعملت له ايقاف
-مشرفه حبت عضو علشان تقرب منه ثبتتله موضوع عندها
- مشرف مردش على الموضوع ده... اختفى فى ظروف غامضة