البحــر والنحــر .. والصــدر الحنــون
اقبلت بالليل في جنح السكون
والعرب زحمه وحنا جالسين
وانشدتني عن جمالات الفنون
عن هوى قلب تعذب بالونين
طالبتنا بالقصايد والمتون
وفتحت باب تقفل من سنين
وش تبين من الشعر ياام العيون
اطلبي فورا وخذي اللي تبين
يازمان في متاهات الجنون
لاحصل رجوى ولا لي معين
في سبيل الحب كل شي يهون
قالها قبلي زعيم العاشقين
غايتي من غايتي فوق الظنون
كان ودك بالاشاره تفهمين
انظري لاطراف جسمي يافتون
علها تشهد على وضع حزين
البحر والنحر والصدر الحنون
هي مطالب لوعتي في كل حين
يامعاتبني على فتح السجون
قبل احضار البراءه للسجين
انظر بعينك فعل ذيك الجفون
كيف جابتني وردتني لوين
ياغزال الليل قلي من تكون ؟
كود أريًح خاطري لو تسمحين
الخميس مارس 15, 2007 2:49 pm
