طق .... طق ... طق ........... طرقت جميع الابوا ب
وهتـفـت باعلى الاصوات ... وناديت .. اين الاحباب ؟؟
وسؤالا قد دار في ذهني ........ اني ابحث عن جواب
ظمئان احتاج شراب يرويني ... كعصير الاعناب
***************
اريد ان اعاتب دهري اقسى انواع العتاب
عن شيء قد شتت فكري وجعلني كالخراب
ظمئان احتاج شراب يرويني كعصير الاعناب
****************
هاجت نفسي .. وصرخت تهتف .. انهض كفاك عذاب
اعمل ... اسعى .. افرح وتأقلم ... وتخلص من هذا المصاب
************
العمر بدا يزحف ........ ويتجه نحو الانتهاء
ارجوك لا تخسر يوما تندم عليه بعد ايام
يوم شبابي من ايامك لا تفقده يا انسان
*************
عمري الذي كان يجيبني عن سؤالي
ويحذرني بكل قساوة لا تياس ابدا للاحزان
اذا لم تنهي احزانك سوف تصبح في خبر كان
و تخسرني وانا اغلى هدية قد اهداك اياها الرحمن
يا ملكي قم ... وتحرر .. وابني اعلى البنيان
الطالب بسام العصامي
جامعة بابل – الهندسة الميكانيكية –المرحلة الثانية
***************************************************
رسالة الى الغالية بعد التحية .........
الى الحبيبة الغالية ......... ابعث اليك احلى الكلمات ......
ارسل اليك هذه الكلمات الجميلة يا اعز انسانة في حياتي ........
اما بعد ....
لقد ذكرتك والشوق يسبقني
يرسل اليك السلام والتحيات
منك تعلمت الحب والغزل الجميل
لانك انت سيدة الجميلات
معك عشت احلى ايام عمري
ومعك فقط تبقى لي ذكرياتي
سيدة قد دخلت قلبي
واحيته من بعد ما مات
علمتني ان اعشق اسما
نورا قد حطم كل الظلمات
احبك والله احبك
سوف اصرح في كل الطرقات
امراة قد جننت عقلي
من اجلها اكتب احلى الكلمات
الطالب بسام العصامي جامعة بابل – الهندسة الميكانيكية – المرحلة الثانية *******************************************************
أبوذيـــــــــــــــــــات
عشكتك عشك بابل وسومـــــــــــر
وانا كلبي من العشك زنجر وسومر
جنت اشرب تتن دنهر وسومــــــــر
وهسة الاسبين غالي عليـــــــــــــــا
انا الناوي اروحن ولا عـــــــــــــــود
لعزف الربابة يرهملي ولا عــــــــود
ولشخاط البقى بجيبي ولا عــــــــــود
وجيس التتن غالي عليـــــــــــــــــــا
بعد ما اوصل بعد دارك وطبهـــــــــا
يالناسي دوة جروحي وطبهـــــــــــــا
بدساتير العشك لحلف وطبهــــــــــــا
نارك للعطاشــــــــــة بغير ميــــــــا
اريد ابجي وذب الدمع بسطول
وعدنا بحور ما تنعبر باسطول
جثير من الزلم يا خوي بس طول
ويصح زغير وافعالة بلية
وحك نبي طه وعيسى وصالــــح
بس اني مخلص لحبك وصالــــح
تظل تزعل عليا وصالـــــــــــــح
حلاوة العشك من نفرح سويــــــة
ازرع ورد واحصد شوك وجني
وغرامك بالف لهبة نار وجني
يجاسي الكلب دمعي حرك وجني
ولا نوبة عطف كلبة عليا
العشك من استراحينا وهدنة
واخذنا من الدمع راحا وهدنة
ياحلو الطول فك ياخه وهدنة
عجزنه من الهوا وناره سريه
زماني سلب من عيني وسنها
وعلي سيوفا جردها وسنها
انسمر كلبي ابظافيرها وسنها
وعفه كلبي شكثر يحمل اذيه
اريد ابتعد عن الشوك وخلاص
واشرد من غرام احلام واخلاص
بعد ما ظل وفه ايهل وكت واخلاص
وصفوا اهل العشك كلهم سويه
حبيبي وين حجيك وين وعداك
ابهجرك شمتيت اعداي وعداك
الدنيا اوياك حلوة اهواي وعداك
مرار وكل لياليها اذيه
شبابي شد على ارحاله وضعنه
وسالوفة بحلك شامت وضعنه
غطاها الليل اثاري وضعنه
وصفيت ابلا رشد فوك الوطيه
كلبي بالونين شلون يلام
وجرح الشوك حدر الضلع يلام
الماي التبده اشلون يلام
هويته وما يفيد اللوم بيه
اسهامك وصلن الجبدي ولاحن
وكلبك ما بجه الحالي ولاحن
ابليالي العيد لا افرح ولاحن
لجلك يالكطعت الوصل بيه
الدهر مايوم حن كلبه ولانه
تفاركنه ولف واشي ولانه
لانت تصون الحب ولانه
وظلمنه الشوك والعشره سويه
******************************************
ابمدرسه العشك لليوم طالب
ومن ربي وصال الترف طالب
ابنجاحك ياكلب لوردت طالب
ولو يوم امتحنك بيه اذيه
نفسك دوم حاسبها ولمها
تره امن ايديك مسرتها ولمها
فقير الحرص عالدنيا ولمها
وغني اليقنع ابرزقه لبلا شجيه
العكل يبني حكيم اليوم ونصاح
اترهدن وانعل الشيطان ونصاح
اشما ارشدك وعلم بيك ونصاح
تتوب وتوبتك حده اضحويه
الدمع نهران من العين ينساب
طريح اولا صفالي الوكت ينساب
اليسب الناس لابد يوم ينساب
ويظل مكروه مابين البريه
يليل الشوك امري اوياك فضه
وكلبي امن الكدر مايوم فضه
الكلام ابغير وسبب فضه
السكوت امن الذهب بين البريه
نهران الدمع عالوجن تجري
خساره اولانفع بالطيب تجري
المصايب لو على كل بشر تجري
فلا بطران يوم ايلوم بيه
لدك وانحب وخلي الشوك ينباح
واصرخ لمن صوتي اعليك ينباح
حشه السامع اشنفع الجاب ينباح
الوفي ميهاب حتى امن المنيه
انياب الدهر عظني ولاجن
ابهيمه ولاذره عندي ولا جن
رضيت بقسمه الباري ولاجن
اشوفه عد غيري وتشب نيران بيه
الجمعة مايو 25, 2007 12:19 pm
